වැනිලා බොහෝවිට සම්ප්‍රදායික වගා කරන්නේ තනි වගාවක් ලෙස වුවත් විවිධ ක්‍රම යටතේ වගා කල හැකිය.
තනි වගාව
අතුරු වගාව
සාමාන්‍යයෙන් වැනිලා බෝගය අතර අතුරු වගාව ක් ලෙස ද වගා කිරීමට හැකියාව ඇත. විශේෂයෙන් බහුවාර්ශික බෝග අතර පොල් අතර වගා දක්නට ලැබේ. නමුත් වැනිලා වලට නියමිත සෙවන සහිත ව එම බහුවාර්ශික බෝගය තිබිය යුතුයි. වාර්ෂික බෝග අතර වැනිලා වගාව සිදු නොකරයි. හේතුව වාර්ශික බෝග වලින් නියමිත සෙවන නොලැබෙන අතර නිතර පස් බුරුල් කිරීම නිසා වැනිලා වල මුල පද්ධතිය ට හානි විය හැක .
පාත්ති ක්‍රමය
උළු කැට හෝ බ්ලොක් ගල් භාවිතා කර අඩි 3 පමන පාත්ති සකස් කර එම පාත්ති තුල අඩි 4 හෝ 5 පරතරය ඇතිව ග්ලිඩිසීරියා ආධාරකය සිටුවා වැනිලා වගා කල හැකියාව ඇත. මෙහිදී පාත්ති තුල සිටුවන ආධාරකය පැලවී හොදින් සෙවන ලැබුනු පසු වැනිලා සිටුවීමට හැකිවේ.
අධි ඝනත්ව වැනිලා වගාව
- මේ ක්‍රමය ට වැනිලා වගා කිරිම තුලින් භූමිය උපරිම ප්‍රයෝජන ගැනීමට පුළුවන් .
- ඉඩ කඩ අඩු නාගරික ප්‍රදේශ වලට ගැලපේ .
- අඩි 5 ක් පලල අඩි 20 දිග පාත්ති සකස් කරන්න .
- එම පාත්ති ය තුල අඩි 4 යි 4 පරතරය ට (දිග පලල )
- ආධාරක ලී සිටුවා වැනිලා සිටුවීමට පුළුවන්
- සාමාන්‍ය යෙන් අඩි 5 යි 20 පාත්ති යක පේලි 2 ලෙස වැනිලා වැල් 10 ක් සිටුවීමට හැකිවේ.
- මේ පාත්ති සදහා සෙවන දැල් හෝ ග්ලිඩිසීරියා ආධාරක කලින් සිටුවා සෙවන කර වැනිලා සිටුවීමට හැකිවේ .
සෙවන දැල් යොදා කරනු ලබන වගාව
මේ සදහා 60% සෙවන දැල් යොදාගෙන වගා කිරීමට සැලසුම් කල ඉඩම සෙවන කරන අතර පසුව වැනිලා වැල් හෝ පැලසිටුවීමට පුළුවන්. අඩි 4 න් 4 ට තනි පේලියක් ජායාරූපයේ පරිදි සකස් කරන්න.
වැනිලා වැල් සඳහා ආධාරක
- වැනිලා ආධාරකය යක් උපයෝගී කරගෙන වැඩෙන වැල් වර්ගයක් නිසා සුදුසු ආධාරකය යක් භාවිතා කිරීම ඉතාමත් වැදගත් .
- වගාවේ අඩිතාලම ලෙස මේ අධාරකය හදුන්වාදීමට පුළුවන් .
- මුලික ව වැල් ඉහළ ට වැඩීමත් පසුව වැල් පහලට හරවා පුහුණු කිරීම ට ආධාරකය බොහෝවිට උපකාර වේ
- වැනිලා වගාව වේ සෙවන පාලනය කිරීම ට මේ අධාරක කප්පාදු කිරීම වැදගත් .
- වගා ආරම්භයේ සෙවන සැපයිම මෙම ජීවී ආධාරක මගින් සිදුවේ .
- මේ සදහා ජීවී හා අජීවි ආධාරක භාවිතා කරනු ලබනවා
- ජීවී ආධාරක ලෙස ග්ලිඩිසීරියා ඉතාමත් සාර්ථක යි .
- එරබදු ,කොට්ට ත් විකල්ප ලෙස භාවිතා කිරීම ට පුළුවන් .
- අජීවි ආධාරක ලෙස කොන්ක්‍රීට් කනු හෝ ලී කදන් භාවිතා වේ.
මවු ශාක මගින් රෝපණ ද්‍රව්‍ය ලබාගැනීම
වැනිලා සිටුවීමට රෝපණ ද්‍රව්‍ය
- දඩුකැබලි
- වැනිලා බදුන් පැල
රෝපණ ද්‍රව්‍ය ලබා ගන්නා මවු ශාක වල අවශ්‍යතා
- නිරෝගී වැල – (කෘමි හානි නොමැති නිරෝගී වැල් )
වැඩුනු පුද්ගලයකු ගේ මැද ඇගිල්ලක් පමණ මහත වැල් මේ සදහා සුදුසු වේ. සාමාන්‍ය යෙන් සිටුවීමට සුදුසු වැල් අඩි 3 සිට 8/9 දක්වා පරාසයක ලබාගැනීමට පුලුවන.
- ඒකාකාරී ඵලදායවක් සහිත බවින් යුතු වැනිලා මවු වැල්
- වේගවත් වර්ධන විලාශය කින් යුක්ත වැනිලා මව් වැල්
වැනිලා වගාව සඳහා මව් වැල් ලබාගැනීම සදහා වැනිලා මවු ශාක උද්‍යාන පිහිටුවීම
- එක ලගින් අඩි 2 න් 2 ට පමණ පිහිටුවා ගත් ආධාරක වල වැනිලා පැල සිටුවා එම වැල් වර්ධන ය වීමට ඉඩ දී රෝපණ ද්‍රව්‍ය ලෙස එම වැල් කපාගෙන වගාව ට යොදාගනී .
- මෙ මව් ශාක නිශ්පාදනය කරන්නේ බොහෝවිට සෙවන දැල් යටතේ වේ .
- ආධාරක ලෙස පුවක් පටි ග්ලිඩිසීරියා යොදාගනී .
වැනිලා පැල නිෂ්පාදනය කිරීම
- බදුන් ප්‍රමාණය අගල් 8 ක් පලල අගල්10 උස් බදුන් .
- බදුන් මිශ්‍රණ ය
- මතුපිට පස් ,වැලි ,කාබනික පොහොර ,කර දහයියා . 1:1:1::1/2
- ලෙස යොදාන්න
- එම මිශ්‍රණය යෙන් බදුන පුරවා පුරුක් 4 සහිත ඉහත සදහන් මවු ශාක ලක්ශ න ඇති දඩුකැබලි එම බදුන් වල සිටුවා ගනී.
- මෙම බදුන් මාස 4 ක පමණ කාලයක් සෙවන දැල් තුල නඩත්තු කර ක්ශෙත්‍ර යේ සිටුවීමට හැකිවේ .
- අවම පුරුක් 4 සහිත නව අංකුර ය සහිත පැල සිටුවීමට සුදුසු වේ .
සෙවණ හා අධාරකය නඩත්තු කිරීම
- ආධාරක ය මගින් සෙවන ප්‍රධාන ලෙස ලබාගන්නා අතර කෙසෙල් වැනි බෝගයක් අතුරු වගාව ක් ලෙස සෙවන හා තෙතමනය ලබාගැනීම වගාකල හැක .
- වැනිලා මුල් කාලේ සෙවන 60% 70% අතර අවශ්‍ය වේ .
- පසු ව මල් හටගන්නා කාලේ එය 30% දක්වා අඩු කරන්න අවශ්‍ය වේ .
- මල් හටගැන්ම උත්තේජනය කිරිම ට.
- දැල් ගෘහ තුල වගා කිරීම දී ආධාරකය සෙවන දැල් මට්ටමේ ට පෙර කප්පාදු කර නඩත්තු කිරිමක් අවශ්‍යයි .
- මෙහිදී ඉවත් කරන ග්ලිඩිසීරියා කොල කාබනික පොහොර ක් ලෙස භාවිතා කිරීම සුදුසු වේ .
වැනිලා මල් පරාගනය
- වැනිලා වගාව සිදුකර වර්ශ 2 1/2 ක් 3 ක් පමණ වන විට වැල් හොදින් මේරීම සිදුවේ .
- එවිට නිසි ආකාරයට නඩත්තු කල පහලට එල්ලෙන වැල් සහිත වගාව ක් දෙසැම්බර් මාසේ පමණ
- සෙවන 30% දක්වා අඩුකර
- ජල සම්පාදනය නතර කර ( ස්වාභාව යෙන් ජනවාරි පෙබරවාරි මාස වියලි )
- අග්‍රස්තය පුරුක් 5 පමන් ඉවත් කර මල් පිපීම උත්තේජනය කිරිම වැදගත් වේ
- මේ මගින් අග්‍රස්ත ප්‍රමුඛ තාවය අඩු වී
- මල් අංකුර වර්ධනය වීම ආරම්භ වේ .
- මේ වා මාර්තු මාසේ පටන් මල් අංකුර මල් බවට පත් වේ .
- මල් හොදින් පෙති දිගෑරුනු විට කෘතිම ව පරාගනය කලයුතු යි.
- මෙම කාර්‍ය කිරීම ට පුහුණු ශ්‍රමය අවශ්‍ය වේ.
- මල් උදේ 6 ට පමණ පිපීම ආරම්භ වේ සක්‍රිය කාලය දවල් 11.ත් 12 අතර අවසන් වේ එබැවින් උදේ 7 ත් 10 අතර කාලය තුල පරාගනය කිරීම ඉතාමත් වැදගත් .
සැකසුම
ධම්මික මොහොට්ටි
දිස්ත්‍රික් ව්‍යාප්ති නිළධාරී (පොළොන්නරුව)