ලෝක වෙළඳ සංවිධානයේ කෘෂිකර්මාන්තය පිළිබඳ ගිවිසුම ගැඹුරු අසමතුලිතතාවයන්ගෙන් පිරී ඇති බවත් එය සංවර්ධිත රටවලට වාසිදායක වන අතර බොහෝ සංවර්ධනය වෙමින් පවතින රටවලට එරෙහිව ආධිපත්‍යය පතුරන බව ඉන්දීය වාණිජ හා කර්මාන්ත අමාත්‍ය පියුෂ් ගෝයල් (Piyush Goyal ) මහතා පැවසීය.
ඉන්දුනීසියාව විසින් සංවිධානය කරන ලද ජී -33 අමාත්‍ය හමුවට මාර්ගගත ක්‍රමයට අමතමින් ගෝයල් පැවසුවේ කෘෂිකාර්මික ප්‍රතිසංස්කරණයේ පළමු පියවර වශයෙන් ‘නීතිය පදනම් කරගත්’ අපක්ෂපාතS හා සාධාරණ අනුපිළිවෙළක් සහතික කිරීම සඳහා ඓතිහාසික අසමමිතික භාවයන් සහ අසමතුලිතතාවයන් නිවැරදි කළ යුතු බවයි.
ජී 33 හි කෘෂිකාර්මික ප්‍රමුඛතා ගැටළු සහ නොවැම්බර් මස පැවැත්වීමට නියමිතව තිබූ 12 වන අමාත්‍ය සමුළුව සඳහා ඉදිරියට යන ආකාරය සාකච්ඡා කිරීම සඳහා මෙම රැස්වීම කැඳවා තිබුණි.
වාණිජ හා කර්මාන්ත අමාත්‍යවරයා අවධාරණය කළේ 12 වන අමාත්‍ය සමුළුව සඳහා විශ්වාසය ගොඩනැංවීමේ ව්‍යායාමයේ කොටසක් ලෙස, ඉතාමත් වැදගත් වන ආහාර සුරක්‍ෂිතතා අරමුණු සඳහා පොදු තොග රැස් කර ගැනීමේ ස්ථිරසාර ධනාත්මක විසඳුමක් සඳහා ජී -33 උත්සාහ කළ යුතු බවයි. ඒ සඳහා විශේෂ ආරක්‍ෂක යාන්ත්‍රණයක් ඉක්මනින් සකස් කළ යුතු බවත් ගෘහස්ථ සහය ලබාගෙන සමබර ප්‍රතිඵලයක් ළඟා කරගත හැකි බව හෙතෙම සඳහන් කළේය.
12 වන අමාත්‍ය සමුළුව කෘෂිකර්මාන්තය පිළිබඳ සාධාරණ, සමබර හා සංවර්ධනාත්මක කේන්ද්‍රීය ප්‍රතිඵලයක් සඳහා සිය සහයෝගය ලබා ගැනීම සඳහා ජී 33 සන්ධානයේ සමගිය රඳවා තබා ගනීමින් එය සමාන ලෙස ශක්තිමත් කර ගැනීමට හැකි වන ලෙස කටයුතු කරන මෙන් ජී -33 සාමාජිකයින්ගෙන් ඔහු ඉල්ලා සිටියේය.
ඉන්දුනීසියානු වෙළඳ ඇමති මොහොමඩ් ලුට්ෆිගේ ප්‍රධානත්වයෙන් අමාත්‍ය හමුව මාර්ගගත ක්‍රමයට පැවැත්විණි.ලෝක වෙළඳ සංවිධානයේ අධ්‍යක්ෂ ජනරාල් එන්ගෝසි ඔකොන්ජෝ ඉවලා (Ngozi Okonjo Iweala) ප්‍රධාන දේශනය පැවැත්වීය.
කෘෂිකර්මාන්තයේ දී ලෝක වෙළඳ සංවිධානයේ අනිවාර්ය ගැටළු ඉක්මනින් විසඳීම සඳහා වූ කැපවීම නැවත තහවුරු කරන ජී -33 ඒකාබද්ධ අමාත්‍ය ප්‍රකාශය සම්මත කර ගැනීමෙන් පසු රැස්වීම අවසන් විය.
indianewsnetwork