FAI නවමත සංඛ්‍යාලේඛන මගින් ලොව පුරා ධාන්‍ය වර්ග සහ එළවලු තෙල්වල මිල ඉහළ යාම ඉස්මතු විය. පසුගිය ඔක්තෝම්බර් මාසයේදී (10% කින් පමණ) එළවළු තෙල් මිල වාර්තාගත ලෙස ඉහළ ගියේය. සැපයුම් කඩාකප්පල් වීම, ඉහළ භාණ්ඩ මිල ගණන්, කර්මාන්තශාලා වැසීම සහ දේශපාලන ආතතීන් මිල ඉහළ යාමට හේතු වූ බවයි අදාළ වාර්තාව පෙන්වා දෙන්නේ.
පෙර වසරට සාපේක්ෂව ධාන්‍ය මිල ගණන් 22% කින් වැඩි වී ඇති බව ද ඔවුන් පවසයි.
කැනඩාව, රුසියාව සහ එක්සත් ජනපදය වැනි ප්‍රධාන අපනයනකරුවන්ට දුර්වල අස්වැන්නක් ලැබීමෙන් පසු පසුගිය මාස 12 තුළ තිරිඟු මිල 40% කින් පමණ ඉහළ ගොස් ඇති ඇති අතර ගෝලීය ආහාර මිල ගණන් ඉහළ යාමට තිරිඟු මිල මෙම වැඩිවීමට ප්‍රධාන වශයෙන් දායක විය.
“ධාන්‍ය වර්ග සම්බන්ධයෙන් ගත් කල, අවසානයේ නිෂ්පාදනය පහත වැටීමට හේතුව දේශගුණික විපර්යාස යැයි කෙනෙකුට පැවසිය හැකි තත්වයකට අපි මුහුණ දී සිටිමු” Curtin Business School හි කෘෂි ව්‍යාපාර විශේෂඥයෙකු වන Peter Batt මහතා BBC වෙත එලෙස පැවසීය.
ෆාම්, සෝයා, සූරියකාන්ත තෙල්වල මිල ඉහළ යාම හේතුවෙන් එළවළු තෙල් මිල පිළිබඳ දර්ශකය ඉහළ ගොස් ඇති බව FAO පවසයි. ෆාම් ඔයිල් සම්බන්ධයෙන් ගත් කල, සංක්‍රමණික සේවකයින්ගේ අඛණ්ඩ හිඟය හේතුවෙන් මැලේසියාවේ ෆාම් තෙල් නිෂ්පාදනය පහළ යාමෙන් මිල ඉහළ ගොස් ඇති බව FAO පවසයි.
ශ්‍රම හිඟය ලෝකයේ අනෙකුත් ප්‍රදේශවල ද ආහාර නිෂ්පාදන හා ප්‍රවාහන වියදම් ඉහළ නැංවීමට උපකාරී වේ. මේ ඒ් සම්බන්ධයෙන් අදහස් දැක් වූ Batt මහතා. ”මතු වී ඇති අනෙක් ගැටළුව වන්නේ නිෂ්පාදනය පිටතට ගැනීමයි. උදාහරණයක් ලෙස, ඕස්ට්‍රේලියාව සිය නිෂ්පාදන අපනයනය කිරීමේ දැවැන්ත ගැටලුවකට මුහුණ දී සිටිනවා. භාණ්ඩ ප්‍රවාහන නෞකා විශාල ගණන් එහි වරායන් වෙත පැමිණ තිබෙනවා. නමුත් කොවිඩ් නිසා වරාය කාර්ය මණ්ඩලය ගෙන්වා ගත නොහැකි වී තිබෙනවා “
නැව්ගත කිරීමේ බාධා හේතුවෙන් කිරි නිෂ්පාදනවල මිල පසුගිය වසරට වඩා 16% කින් පමණ ඉහළ ගොස් ඇත.
Macquarie විශ්ව විද්‍යාලයේ Brigit Busicchia පැවසුවේ ගෝලීය වෙලඳපොළවල් පිළිබඳ සමපේක්ෂණය ද මිල අස්ථාවරත්වයට දායක වන බවයි. 1990 ගණන්වල සිට, භාණ්ඩ අනාගත වෙළඳාම නියාමනය කිරීම ආයතනික ආයෝජකයින්ට විශාල පරිමාණයෙන් මෙම වෙළඳපොළට ඇතුළු වීමට හැකියාව ලබා දී තිබෙන බව ඇය වැඩිදුරටත් පැවසුවාය.
එමෙන්ම ආහාර ආනයනය මත යැපෙන රටවලට මෙය විශේෂ බලපෑමක් ඇති කරන බවත් අවාසි සහගත කණ්ඩායම් තවදුරටත් දරිද්‍රතාවයට තල්ලු වී ඇති බැවින් ආහාර මිල ඉහළ යාම දුප්පතුන්ට වඩාත් තදින් දැනෙන බවත් ඒ් හේතුවෙන් සමාජ හා දේශපාලන ආතතීන් ඉහළ නැංවීමේ හැකියාව ඇති බවත් බුසිචියා අවධාරණය කළාය.
බී.බී.සී